ДАВРА СУХБАТИ ЎТКИЗИЛДИ

Давра сухбати 

Наманган вилоят касаба уюшмалари ташкилотлари Бирлашмаси кенгаши, вилоят адлия бошқармаси ҳамда Меҳнат ва аҳолини ижтимоий муҳофаза қилиш бошқармаси билан хамкорликда имзоланган “Корхона, ташкилот ва муассасаларда фаолият юритаётган ёш ходимларнинг меҳнат қонунчилигига доир билимларини оширишга қаратилган давра суҳбатларини ўтказиб боришни йўлга қўйиш бўйича қўшма чора-тадбирлар режаси”ни амалга ошириш мақсадида Таълим, фан ва маданият ходимлари касаба уюшмаси Наманган шаҳар кенгаши томонидан 2016 йилнинг 5 феврал куни Бирлашма юридик бўлими мудири Бахромжон Рахимбердиев, шаҳар кенгаши масъул ходими А.Умаров ҳамда мактаб директори А.Тўраев ва касаба уюшма қўмитаси раиси Р.Дадажанов иштирокларида мактабда ишловчи 25 нафар ёш ходимлар билан давра сухбати ўтказилди.

Тасдиқланган қўшма режа жадвалга асосан давра суҳбати давомида вилоят касаба уюшмалари ташкилотлари Бирлашмаси кенгаши томонидан тайёрланган услубий материаллар давра суҳбати иштирокчиларига тарқатилди.

Давра суҳбати давомида иштирокчилар томонидан берилган саволларга жавоблар берилди.