«Аёллар дафтари» доирасидаги устувор вазифалар муҳокама қилинди

Ўзбекистон касаба уюшмалари Федерациясининг бириктирилган вакили  Қобилжон Қирғизалиев томонидан «Аёллар дафтари» доирасида амалга оширилаётган ишлар ҳамда келгусидаги вазифаларга бағишланган йиғилиш ўтказилди.
Йиғилишда хотин-қизларни ижтимоий қўллаб-қувватлаш, уларнинг бандлигини таъминлаш, касб-ҳунарга ўқитиш, тадбиркорлик фаолиятини ривожлантириш ва мавжуд муаммоларини ҳал этиш борасида амалга оширилаётган ишлар таҳлил қилинди.
Шунингдек, «Аёллар дафтари»га киритилган хотин-қизлар билан манзилли ишлаш, уларнинг мурожаатларини ўз вақтида кўриб чиқиш, ижтимоий ҳимояга муҳтож оилаларни қўллаб-қувватлаш ҳамда бандликни таъминлаш бўйича келгусида амалга ошириладиган чора-тадбирлар белгилаб олинди.
Тадбир иштирокчилари томонидан хотин-қизларнинг ҳуқуқ ва манфаатларини ҳимоя қилиш, уларнинг жамиятдаги фаоллигини ошириш ва муносиб меҳнат шароитларини яратишга қаратилган вазифалар юзасидан фикр-мулоҳазалар билдирилди.
Йиғилиш якунида белгиланган вазифалар ижросини таъминлаш бўйича масъулларга тегишли топшириқлар берилди.